BUTUAN CITY – Gi-angkon ni Wilfredo Ybañes, chairman sa Butuan City Wide Tricycle Transport Cooperative nga ubay-ubay na mga kaubanan niyang drayber ang miundang tungod sa kataas sa presyo sa gasolina.
Sigon niini nga bisan og mobati sila og kahinam sa mga taho nga pagkunhod sa presyo, dili gihapon kini igo aron makahatag og kahupayan sa ilang gipas-an karun nga problema.
Pasabot pa ni Ybañes nga ang gitaho nga pagkunhod, dili kini makapabalik sa daang presyo adiser ang pagsutoy niini tungod sa kagubot sa tunga-tungang sidlakan.
Pagklato niini nga dili mabati sa ilang sektor ang gikunhod sa presyo sa gasolina tungod usab sa kadako sa gisaka niini.
Nasubo usab kini tungod sa daw dili man determinado nga magpakunhod sa presyo sa gasolina dili susama niadtong pagpasaka sa presyo nga paspas kaayu.
Gipahayag pa niini nga mas maayu unta nga mapangetaan pa kini og pamaagi aron mokunhod pa ang presyo.
Samtang sa hisgutanang fuel subsidy sa lokal nga kagamhanan sa siyudad sa Butuan, giklaro sa chairman nga wala pay balita niini sukad nga gipasiatab niadtong adiser ang semana santa.
Ang nahatag palang matud pa mao ang fuel subsidy gikan sa nasyunal nga kagamhanan.
Tungod niini, malaumon si Ybañes nga mahatag ra kini nga ayuda dayung butyag nga dili seguro kini makalimtan ilabina kay ordinansa na kini og gipahibalo na sa publiko.
