-- ADVERTISEMENT --
BUTUAN CITY – Mikunhod sa pinaka-ubos nga level sulod sa siyam ka mga buwan ang dollar remittances kon gipadalang kwarta sa mga Pinoy sa abroad ngadto sa ilang mga kabanay dinhi sa Pilipinas niadtong Pebrero. Bisan pa man niini, nagpabiling taas ang kinatibuk-ang pundo nga napasulod sa nasud karong tuiga.
Base sa datus sa Bangko Sentral ng Pilipinas, mi-abot lang sa 2.7-bilyunes dolyares kansa bugti sa 167-bilyunes pisos nga napadalang kwarta sa maong bulan agi sa mga bangko.
Mas ubos kini kumpara sa kapin 181-bilyunes pisos nga natala niadtong Enero.
Kini na ang pinaka-ubos nga natala sukad pa niadtong Mayo ning mi-aging tuig 2025 kondiin dakong natampo niini ang mga land-based workers ug sea-based workers.
