BUTUAN CITY – Gipadayag sa United States military nga ilang babagan ang tanang maritime traffic nga musulod ug mugawas sa mga Iranian ports, sugod sa alas-10:00 sa buntag – eastern time kon alas-2 sa hapon (GMT kon Greenwich Mean Time) karong adlawa, Lunes.
Sigon sa Islamic Revolutionary Guard Corps sa Iran, ang bisan unsa mang military vessel nga mupaduol sa Strait of Hormuz, ilang ikonsiderang paglapas sa ceasefire ug ilang aksyunan og sakto.
Samtang gipadayag usab ni Foreign Minister Abbas Araghchi, nga napakyas ang pakig-istorya sa Amerika didto sa Pakistan tungod sa maximalism sa Amerika nga nag-shift sa mga goalposts ug sa blockade.
Samtang padayon usab ang pagpamomba sa Israeli military sa south Lebanon, nga mikalas og upat ka tawo sa Maaroub, samtang gi-ukupa sa mga sundalong Israelis ang tanang entrances padulong sa lungsod sa Bint Jbeil samtang nagpadayon ang bangi sa Hezbollah.
