BUTUAN CITY – Wala na nagpapugong pa si Atty Harry Roque ug direktang gitubag ang pamahayag ni Department of Interior and Local Government Sec Jonvic Remulla kalabot sa hapit na matud pang mapagawas nga INTERPOL Red Notice batuk kaniya dayong hagit sa kalihim.
Sa iyang gipagawas nga video statement, giklaro ni Roque nga bisan duna sila’y request gikan sa gobyerno sa Pilipinas, wala pa gihapo’y opisyal nga red notice nga migawas kon gipatuman bauk kaniya.
Alang kaniya, sayop ang impresyon nga nagpasabot dayon matud pa kini og internasyonal nga warrant of arrest dayong tumbok sa mas teknikal nga parte sa isyu.
Sigon ni Roque, ang usa ka INTERPOL Red Notice, dili otomatikong mando aron dakpon ang usa ka indibidwal, kondili usa ka hangyo lang alang sa kooperasyon sa mga nasud nga membro kansa nagpasabot nga dili direktang mandato aron dakpon gilayon siya, bisan asa man siya nahimutang
Giklaro ni Roque nga dili siya basta-basta matarog sa mga pamahayag batuk kaniya ug ang iyang “Catch me if you can!,” nga pamahayag, dili yaga-yaga kondili usa ka direktang hagit sa mga otoridad.
