BUTUAN CITY – Nagduso og ikatulong petisyon ngadto sa korte suprema ang mga supporter ni Vice President Sara Duterte nga naghangyu nga ipahunong ang nagpadayong impeachment proceedings batuk kaniya.
Gipangunahan ang petition, nga gihaon kagahapong adlawa sa 14 ka indibidwal ni Kanhe Commission on Higher Education commissioner Ronald Adamat, kauban ang mga miyembro sa One Bangsamoro Movement and lawyers nga gipanguluhan ni Jerryl Rondez-Layog.
Gipangayu niini sa pinakataas nga hukmanan nga mag-isyu og temporary restraining order (TRO) o writ of preliminary injunction aron e-suspendi ang proceedings sa House of Representatives, ilabina ang sa committee on justice.
Gipamugos sa Petitioners nga ang impeachment process depektibo base sa balaod tungod kay dili tanang mga magbabalaod ang gihatagan og kopya sa reklamo.
Ang maong lakang ang misunod sa laing petisyon nga giduso ni Duterte og sa iyang abogado nga si Israelito Torreon, nga gusto usab nga epahunong ang proceedings apan wala kini gitagad sa Supreme Court diin wala kini nagpagawas og TRO.
Hinoon gi-consolidate sa tribunal ang tanang petisyon nga may kalabutan sa kaso og gimanduan ang House justice committee nga mag-submit og komento sulod sa 10 ka adlaw.
Tungod kay walay TRO, ang pagdungog magpadayon nga gitakda karung Abril 14.
