BUTUAN CITY – Gi-akusahan ni House Committee on Public Account chairman ug Bicol Saro Rep Terry Ridon si Vice President Sara Duterte nga nanglingla sa Korte Suprema ug sa publiko subay sa giduso niining petisyon aron ipahunong ang impeachment proceedings sa Kamara batuk kaniya.
Sigon ni Ridon, nakabase ang petisyon sa sayop nga pagpadayag sa kamatu-uran ug salikwa-ot nga interpretasyon sa Konstitusyon ingon man nagtunhay nga jurisprudence.
Gipamugos sa kongresista nga hapsay nga gitagad sa plenaryo sa Kamara ang referrals sa upat ka mga impeachment complaints niadtong Pebrero 23 ning tuiga ug dili lamang matud pa kini aksyon sa liderato sa komite.
Gipanghimakak usab ni Ridon ang pamahayag nga kinahanglan og deliberasyon adiser ang referrals tungod kay wala matud pa’y ingon niini nga rekisitos sa Konstitusyon, House Rules ingon man nagtunhay nga desisyon sa korte gawas nga wala usa’y mihangyo og deliberasyon gikan sa mga magbabalaud atol sa ilang sesyon.
Kalabot usab sa 1-year bar rule, gibutyag ni Ridon nga wala’y natigayong paglapas tungod kay usa ka valid referral lang ang natala.
Kini ilabina nga duna’y igong basehan sa balaud ang House Justice Committee sama sa pagdungog ug pagpanguha og mga ebidensya.
Taliwa sa petisyon, gipaniguro ni Ridon nga magpadayon ang Kamara sa proseso sa impeachment ug gila-umang ipagawas sa Abril 14 ang mga dokumento gikan sa Ombudsman, Bureau of Internal Revenue, Securities and Exchange Commission kon SEC apil na ang testimoniya sa mga testigo aron patubagon ang besi persidente.
