BUTUAN CITY – Subling nag-paabot og tabang ang Department of Social Welfare and Development (DSWD) sa pamilya sa 11-anyos nga batang babaye nga misulat kang Pangulong Ferdinand Marcos Jr. aron ibulgar ang matud pa pag-abuso ug harassment nga nasinatian niya g sa uban pang mga bata gikan sa usa ka barangay official sa ilang komunidad.
Sumala sa pamahayag sa ahensya niadtong Lunes, gelayon nga giaksyunan ni DSWD Sec. Rex Gatchalian ang hangyu sa bata, alayon sa mandu ni Pangulong Marcos Jr.
Sigon ni DSWD Assistant Sec. Irene Dumlao, nga nagpahigayon na ang DSWD Field Office 5 – Bicol Region og on-site assessment sa Redeemer Homeless Mission, usa ka shelter nga nagsilbing temporaryong puy-anan sa mga pamilyang naapektuhan sa kalisud og kalamidad.
Lima ka pamilya sa nasangpit nga non-profit mission ang nakadawat na usab og 10-mil pesos matag usa isip cash relief assistance, lakip na ang pamilya sa batang misulat.
Naghatag usab ang DSWD og psychosocial first aid (PFA) sa tulo ka uban pang bata nga nagpuyo sa mission.
Sumala ni Dumlao, mitumaw sa assessment ang kakulangon sa access sa basic services, lig-on nga panginabuhian ug protection mechanisms aron maseguro ang kaluwasan ug maayong paglambo sa mga bata.
Gisaad sa DSWD ang home visits karung semanaha para sa nahabiling mga bata ug ilang pamilya.
Pangayoon usab nila ang tabang sa Bicol Regional Hospital and Medical Center aron magpadala og lisensyadong psychologist para sa dugang psychosocial support services.
Samtang duha ka pamilya nga wala pa nakadawat og tabang ang hatagan og cash relief karun nga semana.
