BUTUAN CITY- Mingtaliwan na ang Hollywood actress nga si Dee Freeman sa edad nga 66-anyos.
Gikompirma sa iyang publicist na si Desirai Benson ang pagpanaw sa aktres tungod sa stage 4 lung cancer.
Ang Louisiana born actress mingbida sa tulo ka episode sa “The Young and the Restless” niadtong 1997 ug 2009.
Lakip usab kini sa salida nga “Sistas” niadtong Enero ug ang satirical parody show nga “Pretty the Series” gikan 2010 ug 2015.
Gawas pa niini lakip usab si Freeman sa pipila ka mga tv shows sama sa “Seinfield”, “The X-Files”, “Dexter”, “Shameless” , “The Hughleys”, “NCIS: Los Angeles” ug uban pa.
Nagsugod kini sa paghimo og pelikula human ang pagserbisyo niini sa United States marine Corps kung asa ang unang TV role niini mao ang series nga “Coach” niadtong 1995.
