BUTUAN CITY- Mopahigayon ang Britain og usa ka virtual meeting karung adlawa Biyernes oras sa Pilipinas, aron hisgutan ang pagmugna og coalition sa mga nasud nga mangita og pamaagi aron ma-abrihan pag-usab ang ng paraan upang muling buksan ang Strait of Hormuz.
Kini subya sa pamahayag ni U.S. President Donald Trump nga responsibilidad sa ubang nasud ang seguridad sa maong pantalan.
Pangulohan ni British Foreign Minister Yvette Cooper ang panagtapok nga tambungan usab sa mga nasud sama sa France, Germany, Italy, Canada, ug United Arab Emirates, apan wala gitakda nga motambong ang Estados Unidos.
Tumong sa miting nga hisgutan kung unsaon pag-balik ang gawasnong pag-agi sa mga barko sa rehiyon.
Kahinumdunag gisira sa Iran ang Strait isip tubag sa mga gihimong pag-atake sa U.S. ug Israel nga nagsugod pa niadtong Pebrero 28, 2026.
Ang pantalan nagdala og dul-an 1/5 nga parte sa kinatibuk-ang konsumo sa lana sa tibuok kalibotan, mao nga ang pag-abri pag-usab niini ang nahimong prayoridad alang sa daghang nasud tungod saserye sa pagsaka sa presyo sa enerhiya.
Sumala ni British Prime Minister Keir Starmer, susihon sa panagtapok ang tanang diplomatiko ug politikal nga pamaagi aron mabalik ang kagawasan sa pag-agi sa lugar, hilabi na kung mapatuman ang ceasefire.
Bisan paman nga unang mingbalibad ang nasud sa Europa nga ipadala ang ilang navy tungod sa kahadlok nga madamay sa away, na-utro ang ilang panab-aw tungod sa epekto sa taas nga presyo sa enerhiya sa pangkalibotanong merkado.
Plano sa himuong coalition nga unahon ang pagtanggal sa mga mina sa pantalan ug human protektahan ang mga barko nga mo-agi niini.
Aminado usab si Starmer, nga ang pag-abri pag-usab sa Strait dili sayon ug ug magkinahanglan og panaghiusa sa mga nasud padulong sa diplomasya.
Samtang, gipanhimangnuan ni Trump anguban nasud: “build up some delayed courage” and “just grab it”.
“Just take it, protect it, use it for yourselves,” sigon pa ni Trump.
