BUTUAN CITY – Nag-update si United States President Donald Trump gikan sa White House mahitungod sa kalambuan sa usa ka bulan na niya nga “Operation Epic Fury,” usa ka kampanya militar sa Estados Unidos uban sa Israel nga nagpunting sa navy, air force, nuclear facilities, ballistic missiles, ug terror networks sa Iran.
Gibutyag niining hapit na makab-ot ang mga nag-unang tumong tungod sa paspas nga mga kadaugan. Gipahibalo usab niya ang plano nga paspasan ug kusgon pa ang pag-atake batok sa Iran sulod sa sunod duha ngadto sa 3 ka semana, apil na ang posibleng pag-target sa mga planta sa kuryente kung walay makab-ot nga kasabutan.
Nagpasalamat usab siya sa mga kaalyado nga Israel, Saudi Arabia, Qatar, United Arab Emirates, Kuwait, ug Bahrain.
