BUTUAN CITY – Nagduso og reklamo ang grupo sa mga aktibista og concerned citizens ngadto sa Office of the Ombudsman diin nanawagan og imbestigasyon sa multibillion-peso “commitment-insertion-kickback” scheme nga naglambigit matud pa kang President Ferdinand Marcos Jr.
Gi-file ang reklamo sa Ombudsman kagahapong adlawa, Marso 30, tungod sa graft og violation sa Code of Conduct and Ethical Standards for Public Officials batuk kang Kanhe Presidential Legislative Liaison Office Undersecretary Adrian Bersamin og kanhe Education Undersecretary Trygve Olaivar.
Gisang-at kini nila Bagong Alyansang Makabayan chairperson Teddy Casiño og Kilusang Bayan Kontra Kurakot’s David San Juan sa the Office of the Ombudsman.
Lakip sa complainants sila kanhe magbabalaod France Castro, Movement Against Tyranny co-convenor Bonifacio Ilagan, Bunyog Pagkakaisa Partylist vice president Maria Sevalla, Green Party Philippines chairperson David D’Angelo, Gaudelia Tiongson og Servando Peralta nga miyembro sa Seniors Kontra Kurakot.
Nag-ugat ang reklamo sa bag-ohay lang gibulgar sa publiko og affidavits gikan sa mga kanhe opisyal sa gobyerno.
Gitumbok sa reklamante ang testimonya gikan kang Kanhe Department of Public Works and Highways Undersecretary Roberto Bernardo, nga miangkong nag-facilitate sa bilyones pesos nga insertions sa mga proyekto.
Gidetalye ni Bernardo aton sa Senate hearing nga gipangunahan ni Sen. Panfilo Lacson ang “armored van” sa Manila hotel basement nga nag-deliver sa kickbacks nga anaa sa 800 milyones pesos ngadto sa 2 bilyones pesos ngadto nila Bersamin og Olaivar.
Ang reklamo nag-alega sa 15% “commitment” fee sa mga proyektong gipondohan ilalom sa unprogrammed appropriations.
Nasayrang sila Bersamin og Olaivar mikanaog sa puwesto sa dihang gipakusgan ang imbestigasyon sa anomalosong flood control.
Ang ilang pagbiya gisundan sa mga testimonya nga naglambigit kanila sa iregularidad sa budget og 15% commissions sa unprogrammed appropriations.
Apan wala pay kaso nga gisang-at sa korte batuk kanila diin gipahayag ni Ombudsman Jesus Crispin Remulla nga lakip sila sa pa-imbestigahan tungod sa pag-komitar og plunder.
