BUTUAN CITY – Gi-anunsyo sa girl group nga BINI ang ilang duha ka anniversary concerts nga gitawag og “Signals” kondiin ang unang show ipahigayon sa Hunyo 20 sa MOA Arena ug sundan kini sa Hulyo 11 sa Cebu.
Dugang pa sa grupo nga ilang gi-eksamin ang posibilidad sa pagdala pa og mga konsyerto sa ubang lugar sa nasud kondiin sa ilang social media account, naghatag sila og teaser sa ilang bag-ong kanta.
Katapusang nagpagawas og album ang grupo mao ang “Flames” niadtong 2025, diin apil ang pipila sa ilang mga kanta sama sa “ParuParo”, “Sweet Tooth”, “First Luv” ug “Shagidi”.
Bag-o lang usab nila gipagawas ang ilang kanta nga “Unang Kilig” niadtong miaging mga semana. Sa bulan sa Abril, maghimo sila og kasaysayan isip unang Pinoy group nga mag-perform sa Coachella music festival sa gawas sa nasud.
