BUTUAN CITY – Naghatag karun og inspirasyon ang 22-anyos nga si Rolan Popatco Jr. human siya makapasar sa March 2026 Medical Technologist Licensure Examination ug nahimong pinaka-unang Aeta nga lisensyadong medical technologist sa Pampanga.
Gikumpirma kini sa Provincial Social Welfare and Development Office diin gipa-ambit ang iyang kadaugan nga dili lang alang sa iyang kaugalingon kundi para usab sa tibook komunidad sa Aeta.
Si Rolan midako sa kabukuran ug naningkamot nga makatungha sa syudad.
Sa tabang sa nagkadaiyang scholarship gikan sa gobyerno, natapos niya ang kursong Bachelor of Science in Medical Technology.
Gawas niini, nagsilbi usab siya isip SK chairman samtang gipadayon ang iyang pagtoon.
Aminado si Rolan nga miagi siya sa mga pagsulay ug hapit nang misurener apan nahimong inspirasyon niya ang iyang komunidad aron magpadayon.
Pangandoy niyang mahimong doktor aron makahatag og serbisyong medikal sa mga kapareho niyang Aeta sa kabukiran.
Sa kasamtangan, nangeta siya og scholarship aron mapadayon ang iyang pagtoon sa medisina.
Sumala ni Rolan, ang iyang kadaugan halad dili lang sa iyang pamilya kundi para usab sa iyang komunidad, nga gusto niyang matabangan sa umaabot nga panahon.
