BUTUAN CITY- Hugot nga gipahinumdoman ni Batangas Rep. Gerville “Jinky Bitrics” Luistro ang iyang mga kaubanan sa Kamara nga ang ilang pagkamaunongon ngadto sa gihimong impeachment process batok kang Vice President Sara Duterte kinahanglang anaa sa katawhang Pilipino ug dili sa bisan unsang alyansang politikal o grupong relihiyoso.
Sumala ni Luistro, chair sa House Committee on Justice, nga ang umalabotay nga hearing karung Marso 25 usa ka sagrado nga katungdanan ubos sa Konstitusyon.
Gipasiugda ni Luistro nga ang impeachment dili usa ka ordinaryong pagtaral sa kriminal kundi usa ka pagtuon sa “fitness” o abilidad sa usa ka opisyal nga nagpabilin sa puwesto.
Pagklaro pa niini, ang basehan dinhi mao ang “betrayal of public trust” ug “accountability” kansa sukwai sa “impunity” o irresponsibility.
Matud pa, kini ang higayon aron makita sa publiko kung angayan pa ba ang Bise Presidente sa iyang posisyon ingon man ang pagdagan sa mas taas nga katungdanan sa umalabot.
Dugang pa sa magbabalaod, nga, ang public office usa ka “public trust” busa, ang mga opisyal kinahanglan nga kanunay andam sa pagtubag sa publiko sa tanang panahon.
Gi-insistar pa niini, nga ang kaugmaon sa nasud ang nakataya sa mahimong desisyon sa komite, hilabi na kalaro na matud pa ang intensyon sa Bise Presidente nga modagan sa pagka-Presidente sa 2028.
