BUTUAN CITY- Sulod na sa 2026 Playoffs ang San Antonio Spurs human gibulsa ang ika-52 nga kadaogan karung season. Gipaluhod sa Spurs ang Phoenix Suns atol sa panag-agbat sa duha kagahapon Marso 20, gamit ang 4th quarter comeback aron ibulsa ang 1-point win sa pagtapos sa regulation sa skor nga 101-100.
Mipakita pag-usab og clutch performance ang rising team sa Spurs sa pagpangulo sa center niini nga si Victor Wembanyama. Mingkumaada si Wembanyama sa 34 big points gikan sa iyang 10 field goals ug 12 perfect free throws.
Mingtala usab og 12 rebounds ug 3 ka steals. Gipahimuslan sa Spurs ang 8-of-21 shooting sa Suns guard nga si Devin Booker aron paludhon sa clutch time, gamit ang 28-21 overall 4th-quarter scoring. Ang kataposang 2 points niini naggikan sa jumper ni Wembanyama, 1.1 seconds adiser subli nga natapos ang away.
Kini ang unang higayon nga nakasulod ang Spurs sa Playoffs human ang unom ka tuig nga absence sa postseason. Nahimo kini sa rising team human ang gihimong 20-2 run sa ming-aging 22 games kung asa hugot niining gikuptan ang ika-duha nga pwesto sa West.
Ang unom ka tuig nga wala makasulod sa Playoffs ang maong grupo mao ang pinakataas nga panahon nga wala kini sa postseason. Ang Spurs ang mao ang ika-2 nga team karung season nga nakasulod sa playoffs, sunod sa Oklahoma City Thunder.
