Gilatid ni Police Captain Jun Orillan, Office-in-Charge Station Commander sa Butuan City Police Station 2 kon BCPS2, ang mga kalampusan niini sukad sa iyang paglingkod niadtong Pebrero 17, 2026, diin nakahimo kini og unom ka drug operations—upat niini gi-lead sa BCPS 2 ug duha ka joint operation uban sa City Drug Enforcement Unit (CDEU) nga nakapahimulos sa dakong drug confiscation.
Gipahigayon usab ang buy-bust nga nakakuha og 20 grams nga droga nga nagkantidad og P136,000 ug joint operation sa Barangay Bading nga nakasakmit og 800 grams. Gipasiugda ni Orillan ang suporta sa 10 ka barangay pinaagi sa monthly meetings ug aktibong partisipasyon sa Barangay Peacekeeping Action Team (BPAT) sa patrolling ug crime prevention.
Gipatuman ang deployment sa 3,000 ka personnel sa lain-laing barangay, regular checkpoints, school ug establishment visitations, ug koordinasyon sa Women and Children Protection Desk (WCPD) aron masulbad ang riot incidents.
Dugang pa, gi-integrate ang RITO-RIDA system o ang o Report Investigation and Tracking of Operations -Report Investigation and Data Analysis alang sa mas hapsay nga monitoring ug analysis sa operasyon, samtang gipadayon ang public engagement pinaagi sa radio guesting ug social media.
Subay sa paningkamot sa Philippine National Police sa “Serbisyong mabilis, tapat at marramdaman” nanawagan usab si PCpt. Orillan sa katawhan hilabi na sa dakbayan sa Butuan, nga matinabangay alang sa kalinaw ug siguridad sa dakbayan diin dili matud pa mahimo sa usa ka police kung wala ang suporta sa katawhan alang sa kalambuan sa tanan
