-- ADVERTISEMENT --
BUTUAN CITY – Subling gipamugos sa Department of Health nga ibawal na ang pagbaligya ug paggamit sa mga vapes sa tibuok nasud tungod sa hatud niining hulga sa panglawas sa publiko.
Sigon ni Health Sec Ted Herbosa, hilo ang vape rason nga dili kini angayang ikonsiderang luwas nga gamiton hulip sa tradisyunal nga sigarilyo ilabina nga nagkataas ang kaso sa mga sakit nga mugna sa paggamit og vape.
Una nang gitaho sa Health Information Bureau sa DOH nga nagkadaghan ang mga batang migamit og vape tungod sa agresibong marketing strategy
nga nagpasundayag nga healthy alternative matud pa ang maong produkto.
Gipanawagan karon ang pagtaas sa age limit ngadto sa 25-anyos sa mga indibidwal nga tugutang makapalit ug makagamit og vape.
-- ADVERTISEMENT --
