BUTUAN CITY – Gibalibaran sa korte suprema sa India ang petisyon nga mihangyu og nasudnong polisiya para sa menstrual leave sa mga kababayen-an nga trabahante og estudyante.
Sumala sa mga mahistrado, ang susamang balaod mamahimong maghatod og diskriminasyon tungod kay basin wala nay mag-hire og babaye.”
Gipangunahan ni Chief Justice Surya Kant ang duha ka hukom nga nag-ingong ang mandatory leave makapahuna-huna sa mga babaye nga dili sila kalevel sa kalalakihan ug mamahimong makadaot sa ilang propesyonal nga paglambo.
Ang isyu sa menstrual leave dugay nang nagtunga sa katilingban sa India diin dunay mga nag-ingong maka-ayo kini para sa panglawas sa kababayen-an samtang ang uban nagtoong nag-ugat kini sa stereotype nga mas hinay ang babaye.
Sa pipila ka estado sama sa Bihar, Odisha, ug Karnataka, dunay nagtunhay nga limitadong menstrual leave para sa mga empleyado sa gobyerno ug unibersidad.
Pipila ka dagkong kompaniya nagpatuman usab og kaugalingong polisiya para sa ilang mga ginsakpan.
Bisan paman gipamugos sa korte nga ang nasudnong polisiya dapat tun-an sa gobyerno kauban ang tanang stakeholders adiser ipatuman.
Ang desisyon subling nag-abli sa debate sa India kung ang menstrual leave tinood ba nga lakang padulong sa gender equality o mas naghatud lang og mga stereotype batuk sa kababayen-an.
