BUTUAN CITY- Gusto nga atobangon sa Atin Ito Coalition ang tulo ka krisis nga gi-atubang sa nasud kalabot sa West Philippine Sea (WPS) sa ika-upat (4) nga civilian mission kansa planong himuon sa buwan sa Abril.
Sapakighinabi sa Bombo Radyo kang Akbayan Party-List President Rafaela David, tulo na kini ka higayon nga nahimo sa maong grupo ug makanunayon nga nabuntog ang nagkanda-iyang hagit sa gi-ilogang kadagatan sama sa presensya sa Chinese vessels, ug uban pa.
Pagklaro ni David, nga nadesisyonan sa grupo nga mokasa pag-usab og misyon aron batukan ang tulo ka nag-unang krisis sama sa, una aron tabangan ang mga mangisdaay nga apektado sa oil crisis nunot sa grabe nga kagubot sa Middle East.
Target sa grupo nga magdala og bari-bariles nga petroleum products ug uban pang supplies sa mga mangisdaay sa WPS.
Ika-duha, aron mapalapdan matud pa ang kahibalo kalabot sa Chinese spying activities. Sumala ni David, nga adunay mga serye sa awareness campaign batok sa posibleng pagpang-recruit sa China sa mga Pinoy aron magsilbi nga ilang espiya.
Ika-tulo, aron matud pa nga mapugngan ang pagdaghan sa mga ”Tsinador” ug posibleng ilang supporter.
Molungtad ngadto sa lima ka-adlaw ang bag-ong misyon sa coalition kansa planong himuon sa katapusang simana sa Abril.
Lakip sa mga nakahan-ay nga aktibidad sa grupo mao ang diyalogo sa mga residente sa PAG-ASA Islands, pakighisgot sa mga mangingisda, pagkat-on mahitungod sa kamahinungdanon sa WPS, ug uban pang-’patriotic activities’ kanas gituyo nga gihan-ay aron mas mapalig-on pa ang gugma sa mga Pilipino alang sa gi-ilogang kadagatan.
