BUTUAN CITY – Gitahasan ni Pangulong Ferdinand Marcos, Jr. ang hinanaling pag-apod-apod og 5-mil pesos nga fuel subsidy para sa mga pampasaherong drivers nga naapektuhan sa pagtaas sa presyo sa gasolina tungod sa nagtunhay nga tensyon ug gyera sa Middle East.
Aron mapadali ang implementasyon, gitigom ni Executive Secretary Ralph G. Recto ang mga Metro Manila mayors kagahapong ad;awa aron plantsahon ang paspas ug hapsay nga paghatag sa tabang.
Gitumbok ni Recto nga mahinungdanon ang pagtinabangay ilabina kay ang mga mayors ang mas nakahibalo sa tinood nga siwasyon ug ihap sa mga tricyle ug jeepney drivers sa ilang mga lugar.
Sigon ni Rectp nga gusto sa Pangulo nga gelayong mapaabot ang tabang sa matag driver nga nanginahanglan.
Magsugod sa sunod semana ang distribusyon sa fuel subsidy sa Metro Manila, nga pangunahan sa Department of Social Welfare and Development (DSWD) ug Department of Transportation (DOTr).
Sunod niini gelayon usab nga ipatuman ang paghatag sa uban pang rehiyon sa tibook nasud.
Kini ang kabahin sa klaro nga direktiba sa Pangulo nga maghatag og hinanaling kaginhawaan ug proteksyon sa panginabuhian sa mga sektor nga direktang naigo sa krisis sa lana.
Makig-pulong ang mga ahensya sa national government ug mga LGUs aron maseguro nga paspas, plastar ug direktang maka-abot ang tabang sa mga drivers.
