BUTUAN CITY– Mala-umon ang lead legal counsel ni kanhi President Rodrigo Roa Duterte nga dili na kompirmahon sa International Criminal Court ang mga kaso sa kanhi Presidente.
Gihimo ni Atty. Nicholas Kaufman ang maong pamahayag sa usa interview sa The Hague, Netherlands, pila ka adlaw human ang Confirmation of Charges hearing sa kanhi Presidente sa Pilipinas.
Sumala sa batikang Accredited International lawyer sa International Court, nga nahimo sa depensa nga ipresenta ang tanang mga argumento ug ebidensya nga gusto nilang ipakita sa International Judges sa International Tribunal ug malaomon ang kampo sa kanhi Presidente nga magmalampuson ang ilang submissions. Bisan paman, andam matud pa ang defense kung madesisyonang kompirmahon.
Samatang gisaway usab ni Kaufman ang desisyon sa accuse keeper sa International Court kalabot sa nagpadayon nga pagkadetine ni Kanhi President Duterte.
Sigon pa niini, nga daw pugsanong nangita og legal nga basehan ang korte aron nga dili dawaton ang medical report sa kanhi Presidente kansa una niining gipasaka.
Gani, gi-insistar pa sa batikang abogado nga dili hinimo sa kampo sa kanhi Presidente ang mga balati-an ingon man ang neuropsychologist nga gipili sa korte, nakakita usab og competitive deficiency sa kanhi lider sa Pilipinas.
Adiser paman niini, gipanghimakak ni Atty. Kaufman nga mingkanaog kini sa defense team sa kanhi Presidente taliwala sa minggawas nga impormasyon online.
Matud pa niini, nga dili niini desisyon kung magpabilin kini sa defense team o dili, inay desisyon kini ni Kanhi President Rodrigo Duterte kansa nagsilbi isip una-niini nga kliyente.
.
