Unom patay sa nasunog nga bus sa Switzerland

BUTUAN CITY – Labing menos unom ka tawo ang patay ug adunay uban nga nasamdan human nasunog ang usa ka bus sa usa ka lungsod sa kasadpang bahin sa Kerzers, nga gitawag usab og Chiètres sa French kansa nahimutang sa Fribourg, mga 20 kilometro gikan sa Bern, ang kapital sa Switzerland.

Sumala sa kapulisan, gikan sa Düdingen, ang bus – mga 17 kilometro sa habagatan sa Kerzers ug nagpadayon pa ang imbestigasyon aron mahibal-an kung kini tinuyo ba.

Adunay  mga report nga usa ka tawo mibubo og gasolina sa iyang kaugalingon, kansa padayon pang gikumpirma sa mga otoridad.

Sa video nga gipagawas sa local media, makita ang bus nga nagdilaab.