BUTUAN CITY – Dako og tabang diha sa pagtangtang o pagbiya sa bisyo o dili maayong taras ang paggansilyo sama sa pagkitkit sa kuko, sobra nga pag-scroll sa cellphone, ug bisan sa mga tawo nga naglisod sa pagbiya sa paggamit og ginadiling droga.
Ang posible ra nga “side effect” mao ang daghan kaayong scarf ug bonnet nga mahimo.
Sama kang Amanda Wilson, usa ka finance worker gikan sa Mississauga sa Canada, dugay nang naglisod pagbiya sa dili maayo niyang taras sama sa pagkutkot sa panit ug pagkitkit sa kuko tungod sa iyang Obsessive Compulsive Disorder apan sukad nagsugod siya og gansilyo, milambo ang iyang kahimtang kondiin mas nindot na ang iyang mga kuko ug mas himsog na ang iyang panit.
Bisan og sauna gi-isip lang kini nga kalingawan sa mga tigulang, karon ginatan-aw na sa uban nga makatabang usab kini sa mental health.
Sumala sa pipila ka pagtuon, ang knitting ug crochet makatabang sa pagkontrol sa emosyon ug pag-undang sa dili maayong mga bisyo.
