BUTUAN CITY – Miabot na sa nasud ang 90 ka stranded Overseas Filipino Workers (OFWs) gikan sa Dubai, United Arab Emirates, kagahapon sa Ninoy Aquino International Airport (NAIA) Terminal 3.
Sumala sa Department of Migrant Workers sakay ang mga repatriated OFWs sa Emirates flight EK334 ug lakip sa mga miabot ang tulo ka menor edad.
Gelayon usab nga gihatagan og tabang pinansyal ug transportasyon ang mga nakauli aron makabalik sila sa ilang mga probinsya.
Nag-gahin usab ang gobyerno og temporaryong mapuy-an lakip na ang psychosocial ug tabang medikal para sa mga na repatriate.
Samtang niadtong Sabado miabot usab sa nasud ang 81 ka stranded nga OFWs gikan sa Middle East taliwa sa padayon nga tensyon sa rehiyon.
Padayon usab nga nakig-alayon ang kagamhanan sa mga Pilipino sa ubang nasud aron maseguro ang ilang kaluwasan ug matabangan ang mga gustong mouli sa Pilipinas.
Sigon ni Migrant Workers Secretary Hans Leo Cacdac nga 33 niini ang gi-sponsor sa gobyerno.
