BUTUAN CITY- Naglusad ang Israel og mga bag-ong pag-atake sa Lebanon ug Iran sa ika-pito nga adaw o usa ka simana sa kagubot sa Middle East. Gikumpirma sa Israeli Defense Forces kon IDF kagahapon Biyernes, Marso 6 naglusad kini og halapd nga serye sa strikes sa syudad sa Lebanon nga Beirut sa sulod sa tibuok gabie diin gi-target ang sites sa Hezbollah.
Lakip niini ang command centers ug multi-story buildings sa syudad ingon man ang pasilidad kung asa gitapok ang drones sa militanteng grupo, nga gigamit alang sa ilang terror attacks sa mga tropa ug estado sa Israel.
Sigon sa IDF, anaa sa 26 ka sunod-sunod nga strikes ang ilang inilunsad sa Dahiyeh area sa Lebanon, suburb sa habagatang Beirut kung asa kadaghanan sa mga residente niini, Shia Muslim.
Gikunsidera usab sa Israel ang maong suburb isip kampo sa Hezbollah. Mingresulta usab og laing kahadlok ug panic dihang gi-anunsyo sa Israeli military ang pagbakwit sa halos tanang anaa sa southern Beirut.
Kini nunot sa ming-usbaw nga death toll suakd sa mga pag-atake sa Israel sa Lebanon karung simanaha sa 123 ka-tao samtang 683 ang angol, base sa datos gikan sa Lebanese Ministry of Public Health.
Laing pagbusikad na usab ang natala sa kapital sa Tehran kung asa base sa taho sa state media, na-igo ang usa ka shopping street pila ka-oras gi-anonsyu sa Israel nga naglunsad kini og kaylap nga serye sa mga pag-atake sa Iran.
Base sa taho gikan sa Iranian state media, minghapak na sa 1,045 ang ihap sa mga namatay sa Iran sukad naglusad og joint attack ang Israel ug Amerika.
