BUTUAN CITY- Liboan ka Overseas Filipino Workers kon OFWs na ang nangayo og repatriation sa Middle East tungod sa nagpadayon nga tensiyon sa rehiyon, diin daghang Pilipino ang nahadlok sa hulga sa gubat ug gusto na nga mopauli sa Pilipinas.
Sumala sa Department of Foreign Affairs kon DFA, gi-isa na ngadto sa Crisis Alert Level 3 ang Lebanon, diin 26 sa kapin 14,000 ka Pilipino ang nagpadayag nga gusto na mopauli.
Base sa government data, 1,979 ka OFWs sa siyam ka nasud sa Middle East ang nangayo og repatriation, ug pinakadaghan niini ang 633 nga gikan sa Kuwait.
Sa kasamtang, sirado pa gihapon ang daghang airspace ug airport sama sa Ben Gurion sa Israel ug nakabalik na sa Manila ang halos 300 ka Pilipino gikan sa Dubai human maablihan pag-usab ang airspace sa maong nasud, diin kadaghanan mga turista ug 23 ka OFWs uban sa ilang mga anak.
Nagpahimangno usab si Department of Migrant Workers Secretary Hans Leo Cacdac nga padayon ang paningkamot sa gobyerno aron masiguro ang kaluwasan sa mga Pilipino nga nagpabilin sa rehiyon, bisan pa sa limitadong linya sa transportasyon ug sa padayon nga tensiyon kansa nakaphimo og dakong kabalaka sa mga OFWs.
