BUTUAN CITY – Gipahayag ni Davao City Mayor Sebastian Duterte nga wala siya’y planong modagan sa mas taas nga posisyon sa 2028, human gibutyag niini nga siya gikapoy na ug napug-an na sa politika.
Gihimo niini ang pamahayag human giduaw ang iyang amahan nga si kanhe Pangulong Rodrigo Duterte, nga napili isip alkalde sa Davao City apan nagpabiling nakadetine sa The Hague.
Si Mayor Sebastian Duterte ang mihulip sa pagdumala sa siyudad human wala makapanumpa ang iyang amahan.
Alayon sa planong pagdagan sa pagkapangulo sa iyang igsoon nga si VP Sara Duterte sa 2028, gibutyag sa mayor nga mas gusto niyang magpabilin sa Davao.
Nagpadayag usab siya sa kawalay pagsalig na sa International Criminal Court (ICC), nga naghawid sa kasong crimes against humanity batuk sa kanhe pangulo.
Samtang gipamugos sa administrasyon ni Pres Ferdinand Marcos Jr. nga misunod lang ang gobyerno sa obligasyon niining makigtinabangay sa international tribunals.
