BUTUAN CITY – Human ang tulo ka higayong deliberasyon sa House Committee on Justice, nadesisyunan nga adunay igo nga substance ang ikatulo ug ikaupat nga impeachment complaints batok ni Bise Presidente Sara Duterte.
Taliwa sa mga init nga sumpaki tungod sa tagsa-tagsa ka baruganan sa matag-kongresista, apan human sa botohay, parehong nakakuha ang duha ka reklamo og tag-54 ka boto nga pabor, 1 ka supak, ug wala’y mi-abstaine kondiin bugtong si Quezon City Rep. Jesus “Bong” Suntay ra ang mibotar nga supak niini.
Ang desisyon nagbukas sa dalan alang sa mas lawom nga pagtuki sa mga alegasyon batok sa bise presidente, sama sa plunder, graft, sayop nga paggamit sa pondo, ug hulga sa pagpatay.
Dinhi na usab nagmosyon si Rep Ysabel Maria “Bel” Jorge Zamora-Jornada nga mag-isyu og notice ngadto sa besi presidente isip tubag sa maong mga reklamo, sulod lang sa napulo ka mga adlaw. Dali kining gi-uyunan sa komite rason nga nag-adjourn gilayon ang ilang deliberasyon.
