BUTUAN CITY- Nagpabilin nga kalmado ang kahimtang sa Kuwait taliwala sa nagkagrabe nga tensiyon sa Middle East, sumala ni Cheilou Magada Penuela ang Bombo International Correspondent sa Kuwait.
Gipahayag niini nga bisan pa sa pipila ka pagbuto ug alarma nga madungog, normal ug malinawon ang operasyon sa mga establisyemento ug ang mga eskwelahan nagpatuman og online classes alang sa kaluwasan.
Giklaro usab ni Penuela, nga ang ubang mga Pilipino medyo exaggerated lang matud pa nga mohatag og balita, gani dili angay magpanik tungod kay ang open communication pinaagi sa social media ug direkta nga kontak sa pamilya naghatag og kasiguruhan sa mga Overseas Filipino Workers kon OFWs.
Dugang pa niini, nga gipakita usab sa gobyerno sa Kuwait ang suporta ug proteksyon sa mga sibilyan hilabi na sa mga citizens, hinungdan nga nagpabilin nga normal ang dagan sa adlaw-adlaw nga kinabuhi sa mga Pilipino nga nagtrabaho ug nga nagpuyo sa maong nasud.
