BUTUAN CITY – Na-igo sa drone strikes sa Iran ang Embahada sa Amerika sa Saudi Arabia, base sa duha ka source nga pamilyar sa nasangpit nga insidente.
Sa karun, walay inisyal nga gitaho nga nasamdan sa pag-atake sa Iran.
Ang drone strikes sa US Embassy sa siyudad sa Saudi nga Riyadh lakip na sa mga US military ug diplomatic installations nga gitarget sa Iran isip balod sa gilusad nga “Operation Roaring Lion” sa Amerika ug Israel, nga gikamatay sa ilang Supreme Leader nga si Ayatollah Ali Khamenei.
Alayon niini, sumala sa US Mission to Saudi Arabia, nag-isyu na sila og “shelter in place notification” para sa Jeddah, Riyadh ug Dhahran. Gilimitahan na usab ang non-essential travel sa bisan unsang military installations sa rehiyon.
Gitambagan usab ang mga katawhan sa Amerika nga anaa sa Kingdom of Saudi Arabia nga gelayong mohikling sa luwas nga shelter.
Mahinumdumang una na usab nga gitaho nga naigo usab sa drone strike ang Embahada sa US sa Kuwait niadtong Domingo ug Lunes.
