BUTUAN CITY- Gikadismaya sa 40 ka complainants ang nahimong resulta impeachment hearing batok kang Vice President Sara Duterte kagahapon human giset-aside sa House Committee on Justice ang ilang reklamo kansa nakabase sa “betrayal of public trust.”
Sumala ni France Castro kanhi Representative sa Alliance of Concerned Teachers kon ACT Party-list, nga wala sila nakalapas sa konstitusyon ug house rules sa pag-file sa complaint niadtong Pebrero 6, 2026, apan gi-dismiss kini tungod sa one-year bar rule sa Supreme Court. Ang Makabayan bloc nga nag-indorso sa reklamo nag-angkon nga adunay conflict sa interpretasyon sa reckoning date ug sa pag-usab sa Supreme Court sa depinisyon sa session days ngadto sa calendar days.
Sigon pa ni Castro, nga ang desisyon sa 2025 kansa nagsaysay sa teknikal nga problema sa impeachment complaint sa Senado mao’y gigamit nga basihanan sa pagbasura sa bag-ong reklamo, bisan pa nga giusab sa korte ang reckoning date ngadto sa Enero 15, 2028. Gani gikwestyon pa niini ang legal nga basehan sa pagbasura ug mipadayag sa ilang pagkadismaya sa desisyon sa komite.
Dugang pa ni France Castro nga ang desisyon sa Committee on Justice sa impeachment complaint nagdala og daghang kontrobersiya tungod sa kalainan sa pagsabot sa calendar days ug session days.
Matod pa niini, nga sa miaging proseso wala giapil sa order of business ang unang tulo ka reklamo sulod sa napulo ka session days, hinungdan nga nangilabot matud pa ang Supreme Court ug naghatag og laing interpretasyon nga nagresulta sa debate kon ang reckoning day ba mao ang Enero 15 o Pebrero 6.
Sigon ni Castro nga ang mga indorsers misalig ug miatubang sa daghang kalisdanan aron mabarugan ang ilang reklamo, apan wala kini mahitabo, inay kung na-resolba unta matud pa ang impeachment niadtong 2025 sa 19th Kongreso. Gibutyag pa niini, nga wala gisunod sa Senado ang mandato sa Konstitusyon nga “forthwith” ug mas nagkomplikar pa ang sitwasyon sa dihang nangilabot ang Supreme Court.
Gihulagway usab ni Castro, nga daw ming-agai sa “butas sa karayom” ang proseso ug gibutang sa abaga sa complainant ang legal maze nga dili unta angay. Sa iyang panan-aw, kini nga desisyon usa ka porma sa “unfair, unjust, ug unacceptable” nga aksyon tungod ang House of Representatives wala makapakita sa constitutional authority ug independence, ug daw nahadlok sa ruling sa Supreme Court.
