BUTUAN CITY – Hingpit nang gibakwi sa mga complainants ang ikaduhang impeachment complaint batok kang Bise Presidente Sara Duterte ug ilang gihatag ang bug-os nga suporta sa ikatulong impeachment complaint nga anaa sa House Committee on Justice.
Atubangan sa komite sa pagpanguna ni Chair Atty. Gerville Luistro, gipadayag sa usa mga reklamanteng si Kiko Aquino-Dy nga ang ilang nakab-ot ang maong desisyon human ang makuting paghuna-huna sa ingon masuportahan ang ikatulong reklamo nga gisubmite nila Rev. Fr. Joel Saballa ug uban pa niadtong Pebrero 9, nga gi-endorso ni Rep. Leila De Lima.
Sumala sa ilang pamahayag, pareho ra ang mga alegasyon ug ebidensiya sa ikaduhang ug ikatulong reklamo, ug pinaagi sa pagbawi, mas mapadali ang proseso sa pagpanubag ug malikayan ang kalibog sa iskedyul sa pagsubmite.
Alayon niini, gibakwi usab nila Rep. Percival Cendaña (Akbayan Party-list) ug Mamamayang Liberal kon ML Rep. Leila De Lima ang ilang pag-endorso niini.
Gipasabot ni ML Partylist Rep. Leila De Lima nga ang pagbawi sa reklamo wala nagpasabot nga misurender ang mga complainants, kondili usa ka taktikal nga lakang aron mapaspasan ang proseso sa impeachment batok sa Bise Presidente.
