BUTUAN CITY – Giklaro sa Department of Health nga dili sila magpatuman og multa ngadto sa mga ginikanan nga mas mupili nga dili bakunahan ang ilang mga anak tungod kay mas epektibo matud pa ang pag-edukar kanila aron makab-ot ang target sa gobyerno nga mapatas-an ang immunization coverage.
Sigon ni Health Secretary Teodoro Herbosa, prayuridad nila ang pagpahibalo ug pag-edukar sa mga ginikanan sa benepisyong makuha gikan sa bakuna.
Reaksyon kini ni Herbosa sa gika-ingong isugyot matud pa ni DOH Undersecretary Emmie Liza Chiong ngadto sa House Committee on Health ang pagpatuman og minor penalties ngadto sa mga ginikanan o kaha mga caregivers nga bisan gipahibalo na, balewalaon gihapon ang pagprotiher sa ilang kabataan gikan sa mga sakit nga malikayan pinaagi sa bakuna.
Nagtamod matud pa sila sa tawhanong katungod ug pagtuo sa mga ginikanan kung gusto nila o dili panakunahan ang ilang mga anak. Gipadayag usab niini nga ang mga batang duna’y dili maayong gipamati sa lawas maoy magsilbing contraindications sa pipila ka mga bakuna rason nga dili sila mahimong i- immunize.
Sigon ni DOH Immunization Program Manager Carmina Vera, ning mi-aging tuig 2025, mi-abot lang sa 64.27 percent kon bugti sa 1.5 milyunes ka mga bata ang fully immunized, kansa ubos sa 95 porsientong national target.
