BUTUAN CITY – Dawat na matud pa ni kanhe Pangulong Rodrigo Duterte ang iyang kapalaran bisan og makabsan kini sa kinabuhi samtang napriso sa International Criminal Court kon ICC.
Sumala sa legal defense counsel niini nga si Nicholas Kaufman, nga iyang gipaambit sa iyang kliyente ang mga nahitabo gikan sa pagsugod sa confirmation of charges.
Dugang pa niini nga daw wala nakabaton pa og interest ang kanhe pangulo nga iduso ang iyang kaso.
Gitahasan na lang niini si Kaufman nga himoon na lang ang iyang trabaho tungod kay nahimo na niya ang iyang katungdanan og nagbilin pg legasiya sa nasud.
Mahinumdumang sa katapusang adlaw sa confirmation of charges gihangyu ni Kaufman nga dapat pagawason na ang kanhe pangulo tungod kay walay gimbug-aton ang mga ebidensiyang gipasangil kaniya.
