BUTUAN CITY – Nanawagan ang mga health advocates sa Pilipinas ngadto sa Kongreso nga ipatuman ang absolute ban sa electronic cigarettes, heated tobacco products (HTPs), ug uban pang nicotine delivery systems.
Kini tungod kay ang Pilipinas na lang ang nahibilin sa ubang mga nasud sa Southeast Asia nga wala nanalipod sa publiko, labina sa kabatan-onan, batok sa gitawag nilang “vapedemic.”
Bag-uhay lang, ang Myanmar nahimong ikawalo nga ASEAN country nga nagpatuman og total vape ban ug nahan-ay na sa ubang mga nasud sama sa Brunei, Cambodia, Lao, Singapore, Thailand, Timor-Leste ug Vietnam.
Sigon sa mga health experts, bisan pa og mas taas ang uniform taxes sa tobacco ug nicotine products nga makatabang sa ekonomiya apan dili kini igo nga makaluwas sa panglawas sa publiko ilabing nga ang comprehensive ban mao ang labing kusog nga proteksyon alang sa public health ug maghatag og klaro nga administrative ug regulatory framework.
