BUTUAN CITY – Lauman ang dakong away sa oras nga mag-abot na ang dalan sa Gilas Pilipinas ug powerhouse New Zealand sa second window sa FIBA World Cup 2027 Asian Qualifiers nga makita unyang gabii sa SM Mall of Asia Arena.
Mag-agbat ang Gilas Pilipinas ug Tall Blacks sa alas-7:30 sa gabi-i diin laumang modagsa ang fans para suportahan ang Pinoy cagers.
Ihanyag sa Gilas Pilipinas ang 2-0 rekord niini batuk sa wala pay daug nga New Zealand nga anaa sa ilalom sa standings bitbit ang 0-2 nga baraha.
Sa ilang panagtagbo niadtong 2024, napildi sa Gilas Pilipinas ang 93-89 nga kadaugan batuk sa New Zealand sa FIBA Asia Cup qualifiers niadtong Nobyembre 21 kauban ang 7-foot-3 nga si Kai Sotto.
Wala si Kai Sotto ning higayona.
Apan nagtoo si Gilas Pilipinas head coach Tim Cone sa mahimong dula sa iyang players tungod kay anaa man si Quentin Millora-Brown aron muhulip sa puwesto ni Sotto.
Nasayud matud pa si Cone nga dakong dula nga ilang atubangon rasong solido ang game plan nga gimugna niini aron makasabay sa New Zealand.
Iparada sa New Zealand ang solidong lineup sa pagpanguna sa mga beteranong players niini.
Nanguna na sa listahan sila Jordan Ngatai ug Taylor Britt nga parehong sandigan sa Tall Blacks.
Nitala si Ngatai og 25 puntos lakip na ang lima ka three-pointers sa kadaugan sa New Zealand kontra Gilas sa iskor 94-86 sa FIBA Asia Cup proper niadtong nakalabay nga tuig sa Saudi Arabia.
Nakatigom usab og 18 puntos ug walo ka assists si Britt sa nasangpit nga dula.
