BUTUAN CITY – Nasubo ang usa ka political og security expert samtang nagsud-ong sa pagsaulog sa paghandum sa EDSA kagahapong adlawa.
Sigon ni Gerry Cano sa eksklusibong pakighinabi ning sibyahan masulub-on siya tungod kay kini na ang ikatulong tuig nga gideklara ang paghandum sa EDSA nga working holiday diin ang mga yanong trabahante nga nangindahay nga madoble ang ilang suhulan, napihigan man sa katungod.
Gawas pa kini sa daw ordinasryo nalang ang paghandum kagahapong adlawa ilabina kay walay hiniusang aktibidad nga gipatuman. Sumala pa ni Cano nga natabunan ang kadako sa nahitabo sa EDSA nga maoy nagtanggal sa mga nagdaug-daug og nanamas-tamas sa tawhanong katungod tungod kay nakabalik man sa gahum ang pamilya.
Pagbutyag pa niini nga 40 ka tuig na ang milabay apan wala pa nakuha pagbalik sa mga Filipino ang gikawat ang kwarta, gikawat nga maayong kaugmaon og gikawat nga maayong edukasyon og kalambuan sa Marcos Sr.
Apan bisan paman sa nahitabo, dili gihapon matud pa dapat mawad-an og paglaum ang katawhan nga unta dunay lider nga mobarog aron maghiusa sa tanang Filipino.
Lider nga mobitbit matud pa ngadto sa kalambuan og lider maghatag og maayong dalan tungod kay kini ang gikinahanglan karun sa Pilipinas.
