BUTUAN CITY – Natala ni United States President Donald Trump ang rekord alang sa pinakataas nga State of the Union speech, nga mi-abot og 1 oras ug 50 minutos, nga milabaw sa rekord ni Bill Clinton sa iyang katapusang pagpamulong niadtong tuig 2000.
Balik-balik nga gipasigarbo ni Trump ang iyang economic agenda, kondiin siya matud pa ang nakapanguna og “turnaround for the ages” sa iyang unang tuig pagbalik sa White House.
Mahitungod sa Iran, gibutyag ni Trump nga ang iyang “preference mao ang pagsulbad sa problema pinaagi sa diplomasya,” apan gipasidan-an niya ang mapng nasod batok sa pagpadayon sa nuclear weapons program.
Nakiglalis siya sa mga Democrats nga anaa sa audience sa makadaghang higayon, apan wala niya direktang gibadlong ang mga mahistrado sa Supreme Court of the United States nga mitambong, kabahin sa ilang bag-ong ruling sa taripa.
Si Abigail Spanberger, gobernador sa Virginia, maoy naghatag sa tubag sa Democrats — ug nagbutyag nga si Trump ang presidente nga walay gitanyag nga tinuod nga solusyon sa nag-unang mga hagit sa ilang nasod.
Ang pagpamulong sa presidente mi-abot sa maong gitas-on samtang nagpakita ang mga survey nga nagkaluya ang suporta sa mga Amerikano sa iyang second-term agenda, adiser ang importanteng midterm elections karong Nobyembre.
