BUTUAN CITY – Nakasakmit og bag-ong record ang Kpop group nga Blackpink human nga sila lamang ang unang artist nga duna’y 100 milyones ka mga subscribers sa Youtube.
Gi-anunsiyo kini sa grupo sa ilang social media account dayong pasalamatan sa ilang mga fans. Kini usa ka dako nga milestone nga nagpakita sa ilang global popularity ug suporta sa BLINKs nga maoy tawag sa ilang fandom. Nasayran nga ang maong grupo, mao ang pinakagi-subscribe nga music artist channel sa YouTube.
Ang ilang mga music videos sama sa Ddu-Du Ddu-Du, Kill This Love, ug How You Like That, misakmit og bilyones ka mga views.
Ang 100,000,000 subscribers milestone, usa ka record-setting achievement ilabina nga wala pa’y laing K-pop group nga naka-abot niini nga record. Tungod niini, gilhatagan sila sa YouTube og custom Red Diamond Creator Award nga mas gikalipay sa ilang mga fans.
