BUTUAN CITY – Patay ang usa ka 23-anyos nga babayeng police officer og 25 ang angol sa gihulagway sa mga Ukrainian officials nga terror attack sa siyudad nga Lviv.
Duha ka eksplosibo ang gipabusikad human miresponde ang kapulisan sa unang gitaho nga kagubot. Sigon sa National Police sa Ukraine nga gibutang ang mga eksplosibo sa basurahan.
Gikumpirma usab ni President Volodymyr Zelensky nga usa ka indibidwal nga gidudahang mihimo sa maong pag-atake ang giditini na karun.
Sa nahimong pamahayag ni Lviv Mayor Andriy Sadovyi nga usa ka babayeng Ukrainian ang nasangpit nga suspek nga 33-anyos.
Sumala sa kapulisan nga hinimo ang maong eksplosibo sa suspek og gitanom kini subay sa mandu sa usa ka agent gikan sa special services sa Russia.
Ang biktima sa pag-atake nailang si Viktoria Shpylka, 23-anyos palang nga nagsugod sa iyang serbisyu sa dihang gisakop ang Kherson region.
Nadala sa ospital ang 11 ka mga tawo diin 6 niini ang pulis.
