BUTUAN CITY – Nagpahimangno ang Department of Health (DOH) ngadto sa publiko alang sa posibleng measles ug rubella outbreak sa Mindanao kung mapakyas pagkab-ot ang “herd immunity” o immunity sa komunidad batok sa maong sakit.
Sumala sa ahensya, adunay kapin sa tunga milyon ka mga bata nga wala pa mabakunahi base sa datos niadtong Pebrero 20.
Nasayrang mi-abot lang sa 2.3 milyones ka mga bata kon bugti sa 82% sa target nga mabakunahan sa rehiyon ang nakadawat na sa ilang bakuna.
Apan, sigon ni Health Secretary Ted Herbosa, dili pa kini igo aron makab-ot ang target nga 95% sa mga bata nga mabakunahan aron makab-ot ang herd immunity.
Kung daghang bata ang magpabiling dili mabakunahi, mas daghan kanila ang ma-infect ug musangpot sa posibilidad sa outbreak tungod sa pagka-bulnerable sa mga bata.
Apan kung 95% sa mga bata protektado na, dili na magka-outbreak kay dili naman makakatag ang virus hinungdan nga gi-awhag sa kalihim ang mga ginikanan nga pabakunahan ang ilang mga anak og duha ka doses uban sa regular nga schedule sa pagbakuna.
