BUTUAN CITY – Positibo nga gidawat sa mga financial analyst ang pagbalik sa P57 level nga balor sa piso kontra dollar human nagsira sa pinakataas nga lebel sulod sa kapin upat ka bulan ang trading kagahapon.
Nakatala kini og P57.986 batok sa dolyar, gamayng mas taas kumpara sa miaging semana, tungod sa hilom nga patigayon sa Asian foreign exchange markets ug record-high nga mga remittance gikan sa overseas Filipino workers (OFWs).
Bisan pa niini, mikunhod ang Philippine Stock Exchange index (PSEi) og 16.03 puntos o 0.25 porsyento ngadto sa 6,368.55, nga ikatulong sunod nga adlaw sa pag-ubos sa wala pa ang Chinese New Year break.
Sumala sa mga analysts, ang profit-taking maoy usa sa mga hinungdan sa pag-ubos human mi-abot sa index ang pinakataas nga lebel sulod sa pito hangtod siyam ka bulan.
Ang banking sector lamang ang nakatala og gamayng pagsaka, samtang ang industrials ang nanguna sa pagkunhod.
