BUTUAN CITY – Na-ilog sa militar sa Estados Unidos didto sa Indian Ocean ang usa ka barko nga gitu-uhang duna’y kutay sa Venezuela, usa ka lakang nga sigon sa Washington, nagpakita sa ilang determinasyon sa pagpatuman sa oil blockade batok sa maong South America country bisan pa tunga-tunga na sa kalibutan.
Sumala sa Pentagon, ilang nakuha ang tanker isip kabahin sa kampanya ni US President Donald Trump nga putlon ang eksportasyon sa lana sa Venezuela—usa ka lakang nga gi-akusahan sa mga kritiko nga kawat ug international piracy.
Sigon sa Pentagon, ang Aquila II naglihok nga supak sa quarantine nga gitakda ni President Trump batok sa mga barkong sanction sa Caribbean.
Dugang pa sa Pentagon, gisubay sa pwersa sa US ang barko gikan sa Caribbean Sea paingon sa Indian Ocean kondiin misibat kini apan gisundan sa uban sa ilang gipagawas nga video sa armadong sundalong Amerikano nga misakay sa barko pinaagi sa helicopter.
Ang Aquila II, nga nakarehistro sa Panama, mibiya sa katubigan sa Venezuela niadtong sayong bahin sa Enero ug nagdala og 700,000 ka bariles sa krudo, ubos sa mga rekord sa state oil company sa Venezuela nga PDVSA.
Nagsugod ang Estados Unidos pagsakmit sa mga barkong nagdala og lana sa Venezuela niadtong Disyembre ning mi-aging tuig, sa wala pa dakpa ang presidente sa maong nasod nga si Nicolas Maduro ning mi-aging bulan.
