-- ADVERTISEMENT --
BUTUAN CITY – Gi-aresto sa kapulisan sa Milan, Italy ang dili moubos sa 10 ka mga nagprotesta nga ilang naka-agbat samtang gihimo ang Winter Olympic Games.
Nasayrang dili uyon ang mga nagprotesta sa maong mga dula, lakip na usab ang pagsaka sa presyo sa mga palaliton sa Italy.
Ning mi-agi pa nga semana, gihugtan sa gobyerno ang balaod batok sa pagprotesta, diin sa Turin adunay 100 ka kapulisan ang nasamdan rason nga gitawag ni Prime Minister Giorgia Meloni ang mga nagprotesta nga mga kaaway sa ilang nasud.
Tungod sa mga protesta, nalangay ang mga serbisyo sa istasyon sa tren sa maong lugar.
