BUTUAN CITY -Gituohan ni Atty. Arnel Awing, usa ka legal expert, nga taas ang posibilidad nga mapapasar gihapon sa House of Representatives ang impeachment complaint batok kang Vice President Sara Duterte bisan pa og dali-dali kini nga gisang-at.
Iyang gipasabot nga ang proseso kung i-relate sa Korte Suprema, wala gibase sa merits sa kaso apan sa technicalities base na sa tulo ka mi-aging mga complaints nga miresulta sa paglapas sa “one-year bar rule” kansa maoy desisyon sa Korte Suprema base sa Konstitusyon.
Apan giklaro ni Atty. Awing nga ang maong sugyot wala gihimo sa Korte Suprema mismo, kondili gikan sa House Committee ug gasunod lamang ang korte niini.
Nakita usab ni Atty. Awing nga bias si Senate President Ping Lacson tungod sa pagkwestyon niini sa kredibilidad sa Korte Suprema kinsa nagbutyag nga walay katungod ang korte nga magmugna og dugang mga rules tungod kay kagahom kini sa Kongreso.
Apan matud ni Atty. Awing, wala maghimo ang Korte Suprema og bag-ong rules, kondili nag-interpret ug nagpasabot lamang kini sa balaod.
Iyang gibutyag nga kini timaan nga klaro nga pabor ang Senate President sa administrasyon ug batuk kang Vice President Sara Duterte, nga mahimong maka-apekto usab sa ekonomiya sa nasud.
