BUTUAN CITY- Minglandfall na ang sentro sa Tropical Storm Basyang sa Bayabas, Surigao del Sur kagabii, Huwebes Pebrero 5, 2026, alas 11:50 sa gabie, sumala sa opisyal nga pahibalo sa Philippine Atmospheric, Geophysical and Astronomical Services Administration kon PAGASA.
Ang bagyo nagdala og kusog nga hangin nga misangko sa 75 kilometro kada oras ug pag-ulan nga nagresulta sa pagbaha sa ubang barangay ug pagkaputol sa suplay sa kuryente sa daghang dapit sa Caraga Region.
Gikumpirma sa lokal nga panggamhanan nga adunay mga pamilya nga gipanghikling gikan sa peligro nga dapit, ilabina sa mga coastal ug flood-prone areas, samtang ang mga evacuation center giandam aron masiguro ang kaluwasan sa mga residente.
Sa kasamtangan, nagpadayon ang mga operasyon sa kaluwasan ug relief distribution nga giatiman sa lokal nga Disaster Risk Reduction and Management Council uban sa tabang sa Department of Social Welfare and Development kon DSWD ug kapulisan.
Ang mga coastal barangay gipa-alerto batok sa posible nga storm surge ug gidasig ang katawhan nga magmatngon ug mosunod sa mga pahimangno sa awtoridad.
Ang mga motorista ug pasahero gipasidan-an usab sa peligro sa landslide ug pagbaha sa kadalanan nga nagdugtong sa Surigao del Sur ug Butuan City.
