BUTUAN CITY – Aminado ang constitutionalist nga si Atty Ernesto Francisco Jr nga katungod sa House of Representatives base sa Konstitusyon ang pagbaton og kaugalingong rules of impeachment.
Kini base na sa pamahayag sa kamara nga gi-usab matud pa sa Korte Suprema ang maong patakaran dihang gibasura ang ilang motion for reconsideration sa una nilang desisyon nga nagbasura sa ilang gi-refer nga impeachment case batuk kang Vice President Sara Duterte ngadto sa Senado.
Sa eksklusibong pakighinabi sa Bombo Radyo Philippines, gipadayag ni Atty Francisco nga kinahanglang ang rules of impeachment, nasubay usab sa Konstitusyon tungod kay kung makitang misimang kini sa batakang balaud o kaha na-abusuhan, dinhi na musulod ang Korte Suprema.
Sa iyang lantaw subay sa pagdala sa Kamara sa impeachment case ni VP Sara, na-abusuhan og maayo sa sa mga kongresista ang maong patakaran.
