BUTUAN CITY- Lauman na usab sa mga motorista ang laing pagsaka sa presyo sa lana sa unang semana sa Pebrero, diin ang diesel gilauman nga mosaka sa ika-unom nga sunod-sunod nga semana ug ang gasolina sa ika-upat.
Sumala ni Jetti Petroleum president Leo Bellas nga ang presyo sa diesel posibleng motaas og ₱1.30 hangtod ₱1.50 matag litro sugod ugmang adalwa Pebrero 3, samtang ang gasolina mosaka og 50 sentabos hangtod 70 sentabos matag litro, ingon usab ang Kerosene nga adunay pag-usbaw og gibana-banang 45 sentabos matag litro.
Sigon pa niini, nga ang nagpadayon nga tensiyon sa Middle East, ang pagka-untat sa operasyon sa pinakadako nga oilfield sa Kazakhstan, ug ang import ban sa European Union sa mga refined products nga gikan sa Russian crude mao’y nagpalala sa kabalaka sa suplay kansa nakapahimo sa diesel ug middle distillate prices nga mosaka.
