BUTUAN CITY- Dismayado ang 19 ka survivor ni Jeffrey Epstein human gipagawas sa pamahalaan sa Estados Unidos ang kapin tulo ka milyon nga dokumento kabahin sa kaso sa mingtaliwan nga sex offender, diin nagpakita sa mga pangalan sa dagkong personalidad sama nila U.S. President Donald Trump, Elon Musk, Bill Gates ug kanhi U.K. Prince Andrew, bisan walay pormal nga kaso nga giatubang.
Sumala sa Department of Justice, walay impluwensya ang White House sa imbestigasyon ug pag-release sa mga dokumento, samtang giinsistir ni Deputy Attorney General Todd Blanche nga wala’y sensitibong impormasyon nga gitangtang aron protektahan si Trump.
Gi-redact ang tanang hulagwa sa mga biktima gawas sa hulagway ni Ghislaine Maxwell, ang kanhi ka relasyon ni Epstein kansa napahamtangan og human trafficking ug naserbisyohan og 20 ka tuig nga pagkapriso.
Nanawagan ang mga survivor sa tinuod nga transparency sa tanang Epstein files ug gipaabot nga tubagon kini sa Attorney General sa Kongreso, samtang nagpabilin nga kontrobersyal ang mga email ug impormasyon nga naglambigit sa mga bantog nga personalidad.
