BUTUAN CITY – Gipalig-on sa mga foreign ministers sa mga nasud nga membro sa Association of Southeast Asian Nations kon ASEAN ang mas lig-ong kooperasyon ug padayong paglambo sa turismo sa rehiyon.
Atol kini sa pagtapos sa 29th ASEAN foreign ministers meeting sa Cebu City ning adlawa.
Sigon ni Department of Tourism Sec Ma Cristina Garcia-Frasco, gihisgutan nila ang paagi sa pagpabangon sa turismo sa Southeast Asia human sa COVID-19 pandemic.
Base sa datus, mi-abot sa 144-milyunes ka mga international visitors arrival ang natala sa entiro rehiyon ning mi-aging tuig 2025 tungod sa mas maayong connectivity ug gipalig-ong promosyon.
Gitutukan usab sa mga delegado ang pagpatuman sa ASEAN tourism sectoral plan ug sa marketing strategy 2026-2030 nga nagtinguhang pakusgon ang Southeast Asia isip usa ka de-kalidad nga destinasyon sa turismo.
Lakip sa mga prayuridad ang digital marketing, pakig-alayon sa pribadong sektor ug ang pagpakusog sa cruise tourism.
